Засгийн газрын өнөөдрийн ээлжит хуралдаанаар 21 асуудал хэлэлцэн шийдвэрлэнэ. Тухайлбал, 
-Гадаад валютын улсын нөөцийг нэмэгдүүлэх чиглэлээр авах арга хэмжээний хэрэгжилт,
-Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуульд нэмэлт, өөрчлөлт оруулах тухай хуулийн төсөл,
-Визийн шаардлагаас чөлөөлөх тухай Засгийн газрын тогтоолын төсөл,
-Сургууль, цэцэрлэг, дотуур байрны нүхэн жорлонг ариун цэврийн байгууламжаар солих ажлын явцыг хэлэлцэх юм.
Хуралдаанаар Эрүүл мэндийн сайд С.Энхболдод хариуцлагын асуудлыг ярьж, Боомтын сайдыг томилно. Мөн Соёлын яам, Эрүүл мэндийн яамны Төрийн нарийн бичгийн дарга С.Оюунбилэг, Ц.Эрдэмбилэг, Хөдөлмөр нийгмийн хамгааллын яам, Барилга хот байгуулалтын яамны Төрийн нарийн бичгийн дарга Г.Өнөрбаяр, С.Магнайсүрэн нарыг сэлгэн томилж болзошгүй гэсэн мэдээлэл байна.