Засгийн газрын өнөөдрийн ээлжит хуралдаанаар газрын тосны зарим бүтээгдэхүүний гаалийн албан татварын талаар авах арга хэмжээний тухай, УИХ-ын гишүүн Г.Тэмүүлэнгийн санаачлан боловсруулан Төсвийн тухай хуульд нэмэлт, өөрчлөлт оруулах тухай хуулийн төсөл зэрэг 10 орчим асуудал хэлэлцэхээр төлөвлөжээ. 
 

Мөн хуралдаанаар хэд хэдэн томилгоог хийхээр болж, эн тэргүүнд эзэнгүй байгаа ШӨХТГ-ын даргын  нэрийг Шадар сайд С.Амарсайхан оруулж ирэхээр болжээ. 
 

ШӨХТГ-ын даргаар нэг жил орчим ажилласан С.Мөнхчулуун хэрэглэгчдийн талд олон асуудлыг шийдэж чадсан. Арилжааны банкууд гэрээ байгуулахдаа нэг хувийн шимтгэл авдаг, “Юнивешн” гурван талт үйлчилгээгээ салгахгүйгээр бүтнээр нь авахыг шаарддаг, томоохон сүлжээ дэлгүүрүүдийн лангуу болоод кассын үнэ зөрдөг гээд хэрэглэгчдийн эрх ашгийг ноцтой зөрчсөн олон асуудалд шаардлага тавьснаар залруулж чадсан билээ.