Өнгөрсөн долоо хоногт Өмнөд Солонгосын тагнуулын алба Хойд Солонгос ОХУ-ыг Украины дайнд дэмжихийн тулд 10 мянган цэрэг илгээх шийдвэр гаргасан гэж мэдэгдсэн. Тэднээс 1,500 нь ОХУ-д очиж бэлтгэгдэж байгаа гэж тус тагнуулын алба мэдээлсэн юм. Тэгвэл ОХУ-ыг дэмждэг rvvoenkor_bot нэртэй Телеграм суваг Украины дайны талбар дээр ОХУ, Хойд Солонгосын туг хамтдаа байрласан зургийг нийтэлжээ.

Тодруулбал тус зургийг Украины зүүн фронтод оршдог Покровск хотын уурхайгаас авсан байна. Тэрхүү сувгийг хөтөлдөг блоггер Хойд Солонгосын далбааг Покровск хотын ойролцоо саяхнаас мандуулсан гэжээ. Одоогоор Хойд Солонгосын төрийн хэвлэлүүд ОХУ-д цэргүүд нь байршсан талаар ямар нэгэн мэдэгдэл хийгээгүй байгаа.

Даваа гарагт /2024.10.21/ НҮБ-д суугаа БНАСАУ-ын төлөөлөгч ОХУ-д туслахаар цэргээ илгээсэн гэдгийг үндэслэлгүй цуу яриа хэмээж Пёнян, Москва хоёрын харилцаа хууль ёсны гэсэн юм. Мөн тус өдөр Өмнөд Солонгос ОХУ-аас суудаг Элчин сайд Георгий Зиновьев Хойд Солонгостой хамтарч байгаа нь БНСУ-ын аюулгүй байдлын ашиг сонирхлын эсрэг чиглээгүй гэсэн байна