ШШГЕГ-ын Хорихоос өөр төрлийн ял эдлүүлэх албанаас нийтэд тустай ажил хийлгэх ялын үр нөлөөг дээшлүүлэх зорилгоор нийтийн эзэмшлийн зам, талбайн халтиргаа, гулгааг арилгаж, цас мөс цэвэрлэх аяныг улсын хэмжээнд 2022 оны арванхоёрдугаар сарын 22-ноос энэ оны нэгдүгээр сарын 22-ны өдөр хүртэлх хугацаанд амжиллтай зохион байгуулжээ. Энэ хүрээнд нийтэд тустай ажил хийлгэх ял шийтгүүлсэн ялтнуудаар нийслэлд 126 га, орон нутагт 59 га, нийт 185 га талбайн цас, мөсийг цэвэрлүүлсэн байна. 

Аяны үр нөлөө, цар хүрээг өргөжүүлж Шүүхийн шийдвэр гүйцэтгэх байгууллагаас энэ оны нэгдүгээр сарын 24-ний өдрөөс хоёрдугаар сарын 3-ныг хүртэлх хугацаанд “Халтиргаагүй орчин, хариуцлагатай байгууллага” уриалгын хүрээнд тодорхой ажлуудыг зохион байгуулахаар төлөвлөжээ. 
Хорихоос өөр төрлийн ял эдлүүлэх ажиллагаа гэдэгт Торгон ял эдлүүлэх ажиллагаа, мөн Тодорхой албан тушаал эрхлэх, үйл ажиллагаа явуулах эрхийг хасах ял эдлүүлэх ажиллагаа болоод Эд хөрөнгө хураан ял эдлүүлэх ажиллагаа, Албадан ажил хийлгэх ял эдлүүлэх ажиллагаа гэсэн ажиллагаа байдаг байна.