Албани улсын Тирана хотноо өчигдөр /2024.10.28/ Дэлхийн бөхийн нэгдсэн холбооны (UWW) ээлжит их хурал болжээ.

Хурлаар удирдах зөвлөлийн Товчооны гишүүнд (United World Wrestling Bureau member)-д Монгол хүн, Азийн бөхийн холбооны ерөнхий нарийн бичгийн дарга, Монголын чөлөөт бөхийн холбооны удирдах зөвлөлийн гишүүн, МҮОХ-ны удирдах зөвлөлийн гишүүн П.Буяндэлгэр сонгогджээ.

Уг хуралд дэлхийн бөхийн нэгдсэн холбооны 121 орны төлөөлөгчид оролцож 100 хувийн саналаар түүнийг сонгосон байна. Ингэснээр П.Буяндэлгэр олон улсын спортын холбооны удирдах зөвлөлд орсон анхны монгол эмэгтэй боллоо. Түүний хувьд 2014 оноос хойш Монголын чөлөөт бөхийн холбоонд ажиллаж байгаа юм.