МУГТ Э.Цэндбаатарын мэргэжлийн боксын 11 дэх тулаан 11 хоногийн өмнө болсон. Тэрбээр нэг ч ялагдалгүй яваа амжилтаа бататган дахин ялалт байгуулаад буй. Тодруулбал,  Флорида мужийн Плант хотод Пуэрто Рикогийн боксчин Фрэнси Фортунатогтай тулалдаж тивийн бүсийг эх орондоо авч ирэхээр болсон.

Үүний дараа 12 дахь тулаанаа хаана хийх нь спорт сонирхогчдын анхаарлыг татаад байв. Эл асуултад тэр өөрөө хариулт өгч Монголд хийхээр болсноо зарлаад байна. Харин өрсөлдөгчөө тодорхой болгоогүй бөгөөд энэ төрөлд эхний аравт жагсаж байгаа аль нэг тамирчныг рингнээ дуудах бодолтой байгаагаа илэрхийлээд байгаа юм.

Одоогоор тулааны өдөр товлогдоогүй байна.