“Эрхэт Монгол” Группын ерөнхийлөгч Х. Мандахбаярын худал, хуурмаг, булхайг өмгөөлөгч нь дэлгэлээ.  Г. Балжмаа гэх эмэгтэй түүний хуульч, өмгөөлөгчөөр ажиллаж байхдаа хийсэн гэрээнийхээ дагуу цалин, хангамжаа өгөөгүй, мөн маш олон хүмүүст байр амлаж, ажлаа хийлгэдэг гэдгийг ярьжээ. АТГ-аас зарласан Нүүрсний хулгайн гэх хэргийн нэг эзэн холбогдогчоор Х.Мандахбаярыг зарлахад ч мөн өмгөөлөгчөөр нь оролцсон бөгөөд тэрээр, өмгөөлөгчөөсөө баримтуудаа нууж байсан гэдгийг дэлгэлээ. Дээр нь өөрийнхөө заавар зөвлөгөөний дагуу өмгөөллийн туслалцаа үзүүлж ажилла гэсэн нь хуульч өмгөөлөгчийн мэргэжлийн ёс зүйд огт нийцэхгүй учраас өмгөөлөл үзүүлэхээс татгалзсан гэжээ. Хуульч, өмгөөлөгч Г. Балжмаа цааш нь, “Сэтгүүлчдийг өмгөөлөөд 600 гаруй сая төгрөгийн торгуулийг хэрэгсэхгүй болгон шийдвэрлүүлж байсан баримт, зургууд байгаа. Гэрээний дагуу цалингаа өгөхгүй байсан ч сэтгүүлчдийг өмгөөлөх ажлаа хийсээр байсан гээд “Эрхэт Монгол” групп-т ажилд орох гэж байгаа хүмүүс байвал, гэрээнийхээ үүргийг биелүүлэхгүй олон хүний цалинг өгдөггүй, НДШ-ийг нь хасч авдаг хэрнээ төлсөн гэж бүртгэдэггүй... Х.Мандахбаяр бол худалч... олон төсөл зэрэг эхлүүлдэг, тухайн төслийг хамтран гүйцэтгэж байгаа компанийн захирлуудыг хуурах эрсдэлтэй...” гэжээ.