Итали улсын Ерөнхийлөгч Сержио Маттарелла АНУ-ын тэрбумтан Илон Маскт Италийн улс төрийн асуудалд оролцохгүй байхыг сануулжээ.

Италийн Засгийн газар Албани улсын цагаачдыг баривчилж, хууль бус цагаачдын асуудлыг зогсоох зорилготой байсан юм. Гэхдээ Ромын шүүгчид цагаачлалын эсрэг Засгийн газрынхаа санаачилгыг хориглосон. Харин Илон Маск тэдгээр шүүгчийг явуулах ёстой хэмээн жиргэсэн. Үүний дараа Италийн 83 настай Ерөнхийлөгч “Итали бол ардчилсан орон бөгөөд өөрийн асуудлыг хэрхэн шийдэхээ мэднэ. Хэрэв хэн нэгэн холбоотон орныхоо Засгийн газрын талаар үзэл бодлоо илэрхийлэх гэж байгаа бол тэр улсын бүрэн эрхт байдлыг хүндэтгэж, заавар чиглэл өгөх ёсгүй” гэв.

Харин хариуд нь Илон Маск Ерөнхийлөгч Маттареллаг хүндэтгэж буйгаа хэлсэн ч үзэл бодлоо чөлөөтэй илэрхийлэх хүсэлтэй байгаагаа харуулсаар байсан юм. Мөн АНУ-Италийн харилцаа цаашид улам хүчирхэгжихийг хүсэж буйгаа мэдэгдээд удахгүй Ерөнхийлөгч Сержио Маттареллатай уулзах хүсэлтэй байгаагаа илэрхийлсэн байна. 
Эх сурвалж: CNN