Дижитал бүтээгдэхүүний хамгийн том арга хэмжээ DPC буюу "Digital Product Conference 2024" тав дахь амжилттай зохион байгуулагдаж дижитал бүтээгдэхүүний салбарын 700 гаруй мэргэжилтэн нэг дор цуглан хэлэлцүүлэг өрнүүлж, шилдгүүдээ шалгарууллаа. Тус үйл ажиллагааны "THE BEST TECH BUSINESS OF THE YEAR" буюу энэ жилийн шилдэг технологийн бизнес төрөлд FreshPack платформ шалгарсан байна.

Учир нь Улаанбаатар хотын дэд бүтэц маань хурдацтай өсөн нэмэгдэж буй хүн амынхаа хэрэгцээг хангах боломжгүй байгаа нь бизнес эрхлэгч нарыг бүрэн потенциалаараа ажиллан ашиг орлогоо нэмэгдүүлэхэд саад болж байна. Өөрөөр хэлбэл замын түгжрэл, зогсоол, ашиглалтын зардал, шинэ хэрэглэгч татах, логистикийн хүндрэл зэрэг асуудлуудыг нэрлэж болно. Тэгвэл бизнес эрхлэгч нарт тулгардаг эдгээр асуудлуудыг ХҮРГЭЛТИЙН хамгийн том дэд бүтэцтэй өргөн хэрэглээний болон хоол хүнсний цахим худалдааны FreshPack платформ технологиор дамжуулан шийдэж чаджээ.
Платформ дотроос нийслэл хотын иргэд бид өөрт хэрэгцээт ус ундаагаа бөөний үнээр хүргүүлэн авах “Бөөндье” цэс, шинэхэн хүнсийг хүргүүлэн авах боломжтой хүнсний зах, дэлхийн шилдэг брэндүүдийг багтаасан гэр ахуй зэрэг нь манай дижитал бүтээгдэхүүний салбарт урьд хожид байгаагүй бизнес модель гэдгээрээ онцлогтой билээ. Энэхүү онцлог, давуу талууд нь FreshPack-г энэ жилийн ШИЛДЭГ ТЕХНОЛОГИЙН БИЗНЕС шагналыг хүртэхэд түлхэц боллоо.

Дижитал бүтээгдэхүүн нь биет бүтээгдэхүүнийг бодоход хүн бүрийн алган дээрээсээ хүртэж болохуйц хүртээмжтэй, амьдралд шууд нөлөөлөхүйц байдаг. DPC-ийн хувьд "BEST - Experience, Development, Business, Culture-Shaper" гэсэн дөрвөн ангилалд шилдгүүдийг шалгаруулдаг бөгөөд энэ жилийн хувьд өмнө жилүүдээс илүү өргөн хүрээнд, чухал ач холбогдолтойгоор зохион байгуулагдлаа. FreshPack нь өргөн хэрэглээний болон хүнсний бараа бүтээгдэхүүнийг нэг дор багтаасан хүргэлтийн хамгийн том дэд бүтэцтэй платформ юм.