Хойд Солонгосын нийслэл Пёньян хотод коронавирусийн халдвар нэмэгдэж буйгаас болж, тав хоногийн хөл хорио тогтоосныг Сөүлд төвтэй "NK News" мэдээллээ. 
 Иргэдийг ирэх ням гариг хүртэл гэрээсээ гарахгүй байж, өдөр бүр биеийн халуунаа үзэж байхыг шаарджээ. Пёньяны оршин суугчдад тав хоногийн хатуу хөл хорионд орохын өмнө бэлтгэл хангуулахаар  хүнсээ нөөцлөхийг зөвлөсөн байна. 
Хойд Солонгос хаалттай гэдгээрээ дэлхий дахин цар тахалтай тэмцэж байхад тус улсад нэг ч тохиолдол бүртгэгдээгүй бөгөөд өнгөрсөн жилээс буюу 2022 оны эхээс "COVID-19" халдварын эхний тохиолдлыг бүртгэснээ, наймдугаар сард нь цар тахлыг ялснаа зарлаж байсан билээ.