Монгол Улсын Ерөнхий сайд Л.Оюун-Эрдэнэ “Нүүрсний хулгайч”-дын дараа “дэлбэлэх” байгууллага нь төмөр зам, Монголбанк хэмээсэн. Ийн хэлж дуусаагүй байтал 10 тэрбумын С.Батдөлийн дуулиант хэрэг дэлгэгдсэн билээ. 

Тэгвэл өдгөө “Төмөр зам” ХНН-ийн удирдах 13 албан тушаалтан Авлигатай тэмцэх газарт хөрөнгө, орлогын мэдүүлгээ хугацаанд нь буюу 30 хоногт багтаан өгөх үүргээ биелүүлээгүй байна. Үүнд, нь Л.Хэрлэн даргад дээрх албан тушаалтнууддаа хариуцлага тооцохыг хүссэн албан бичгийг АТГ-аас илгээгээд байгаа юм.
Хамгийн гол нь эдгээр 13 албан тушаалтан хууль биелүүлээгүйдээ бус авлига, хээл хахуулаар авсан үл хөдлөх хөрөнгө, бэлэн мөнгөнийхөө эх үүсвэрийг хэрхэн тайлбарлахаа мэдэхгүйдээ ийнхүү бантан суугаа гэнэ. 

Хууль бусаар хөрөнгөжсөнийг үүгээр нотолж болох ба ах, дүү хамаатан садныхаа нэр дээр шилжүүлбэл “баригдах” тул яах аргаа олохгүй, эцэстээ доод албан тушаалтнууддаа “Чиний нэр дээр ганц үл хөдлөх хөрөнгө бүртгүүлчихье. Шанд нь төдийг” хэмээн санал болгож буй талаар “Төмөр зам” ХНН-ийн группээр нэг шуугьж байна. 
Ингэтлээ хөлжиж, баяжсан төмөр замынхныг ухаж төнхөх нь зүйтэй бололтой. Ерөнхий сайд ч зүгээр нэг хэлээгүйн нотолгоо ар араасаа ийнхүү ил болж, удирдах 13 албан тушаалтан хөрөнгөө хаашаа хийхээ, хэрхэн мэдүүлэхээ мэдэхгүй, буланд шахагдаад байна.