Жилийн жилд иргэдийн хүсэн хүлээдэг "Мөсний баяр"  гуравдугаар сарын 1-5-ны өдрүүдэд болж, гадаад, дотоодын жуулчдын хөлд Хөвсгөл нуур дарагдана. Үүнтэй холбоотойгоор Хөвсгөл аймгийн Онцгой байдлын газраас "Хөвсгөл нууранд үүссэн олон тооны цоорхой буюу өрхний талаарх сэрэмжлүүлэг"-ийг гаргасан байна. 
Хөвсгөл нууранд өвлийн улиралд огт хөлддөггүй газрууд байдаг бөгөөд түүнийг нь ӨРХ гэж нэрийддэг байна. Тодруулбал, "Хөвсгөл нуур"-ын "Ашихай", "Мэргэний үзүүр", "Хар ус", "Хадан хүй" гэдэг газарт өрх хөлддөггүй аж.
Харинэ энэ жилийн хувьд “Хөвсгөл нуур” цоорхой ихтэй хөлдсөн бөгөөд 2022 оны арванхоёрдугаар сарын 30-ны байдлаар “Жиглэг”, “Хар ус”, “Хачим” зэрэг газрууд хөлдөөгүй байна.  Хэдийгээр нуур бүхэлдээ битүү мөсөн бүрхүүл тогтсон мэт харагдаж байвч мөсний даац хүн, мал, автомашин явахад аюулгүй хэмжээнд хүрч бэхжээгүй гэсэн үг юм. 
Иймд Ханх, Ренчинлхүмбэ, Чандмань-Өндөр, Хатгал, Цагааннуур сумын иргэд, тээвэрчид, амарч, аялж зугаалж байгаа иргэд аюулгүй байдлаа ханган мөсөн замаар хөдөлгөөн үйлдэхгүй байхыг онцгойлон анхаарууллаа.