Нийслэлийн агаар орчны бохирдолтой тэмцэх газраас өгсөн мэдээллээр, энэ онд 39.2 тэрбум төгрөгийн төсвийг агаарын бохирдлыг бууруулахад тусгасан байна. Энэ нь сайжруулсан түлшний тээвэрлэлт, борлуулалт, нөөцлөлт үндсэн үйл ажиллагааны урсгал зардлууд аж.

Өнгөрсөн жилүүдэд нийслэлийн утааг бууруулахад 500 тэрбумыг хэдийнэ зарцуулчихсан. Үр дүн нь мэдээж та бидний нүдэн дээр ил буй. Харин одоо 40 орчим тэрбум. 

Утаа, агаарын бохирдлыг бууруулахад мөнгө төсөвлөхөөс зайлшгүй. Харин үүнийгээ юунд хэрхэн зарцуулж, үр дүн нь юу вэ гэдэгт л байгаа юм. Мэдээж, өмнөх жилүүдийн байдлаас харахад, энэ удаагийн 40 орчим тэрбум төгрөг дээр хэлсэнчлэн сайжруулсан түлшний тээвэрлэлт, борлуулалт, нөөцлөлт зэрэгт зарцуулаад эргээд үүнийгээ утааг бууруулахад зориуллаа хэмээн тайлагнах биз. 

Монгол хүний генийн мутацад л нөлөөлөх хорт бодис утаанд агуулагдаж, энэ нь иргэдийн элгийг гэмтээж буй талаар АНУ, Британийн судлаачид тогтоочихсон. Тиймээс 40 орчим тэрбумаар утааг бууруулчихна ч гэж юу байх вэ. Энэ мөнгө утаа адил ууршина л гэсэн үг болж таарч байна.