Нийслэлйн Баянзүрх дүүргийн ХХ хороо, Төвийн гудамжинд байшин шатаж байна гэсэн дуудлагыг нэгдүгээр сарын 25-ны өдрийн 22:55 цагт хүлээн авчээ. Дуудлагын дагуу дүүргийн Онцгой байдлын хэлтсийн Гал түймэр унтраах, аврах 35 дугаар ангийн алба хаагчдыг очиход иргэн Х-ын 3×4 метрийн хэмжээтэй байшин шатаж байсныг шуурхай унтраасан байна. 
Уг түймэрт 58 настай эрэгтэй Б, 44 настай эмэгтэй С, нэр, нас, харьяалал нь тодорхойгүй 60 орчим настай эмэгтэй өртөж, нас баржээ. Мөн 47 настай, эрэгтэй Д нүүр, гар хэсгээрээ түлэгдсэн тул нийслэлийн ЯТТТ-ийн эмчид болон тус дүүргийн Цагдаагийн гуравдугаар хэлтэст шилжүүлэн өгсөн байна.