Дэлхийн кино урлагийн зах зээлийн 23.6 хувийг Солонгосын кино урлаг дангаараа эзэлж байна.  Тухайн улс уран сайхны кино төдийгүй, олон ангит цувралаараа үнэхээр даацтай байр суурийг эзэмшиж байгаа хөгжингүй орон.  2023 онд Солонгосын кино урлагийн хамгийн өндөр хүлээлтийг үүсгэж байгаа дараах таван киног онцлон танилцуулж байна. 
Round up
Гарибонг-Донг устгах ажиллагаа ажиллагаа явуулснаас хойш дөрвөн жилийн дараа харгис мөрдөгч Ма Сокдо болон Геумчон-Сугийн хүчирхэг баг даалгавраа эхлүүлнэ. Тус киног алдарт OUTLAWS киноны найруулагч Кан Ен Сан бүтээж, өөрийн нэрийн хуудас болсон жүжигчдээ урьж тоглуулсан юм.  
Point man 
Афганистан дахь Солонгосын барьцааны хямралын бодит үйл явдлаас сэдэвлэн бүтээсэн тус кинонд Афгинастаны томоохон бүлэглэл Солонгосын хэсэг жуулчдыг барьцаалсан хэрэг гарсан тул хамгийн чадварлаг алба хаагч Жэ Хёгийг  илгээв. Жэ Хёг ирсэн даруйдаа Афганитаны Засгийн газарт хамтран ажиллах санал тавин бүтэлгүйтэх тус кинонд Хван Жун Мин, Хю Бин нарын гайхалтай хослон тоглолт анхаарал татаж байна. Хван Жун Мин нь Азийн хамгийн өндөр цалинтай жүжигчдийн нэг юм. 
Switch 
Пак Ганг бол өсч яваа шинэ залуу од. Тэрээр ганц бие амьдралаар амьдрах дуртай. Түүний Менежер Жү Юн. Өмнө нь Жү Юн жүжигчний мэргэжлээр хөөцөлдөж байсан ч тийм ч сайн үр дүнд хүрээгүй ажээ. Нэгэн өдөр Пак Ганг сэрэхдээ түүний амьдрал орвонгоороо эргэснийг олж мэднэ. 
Remember 
80 гаруй насны эр Солонгосыг Японы эзлэн түрэмгийлэлд байх үед хэн нэгнээс болж бүх зүйлээ алдсан бөгөөд  энэ зовлонг мэдрүүлсэн хүнээс өшөөгөө авахаар шийднэ. Түүний өшөө авалтад нэгэн залуу тусалж буй талаар өгүүлэх тус киноны зураг авалт, өнгө тавилт нь олон улсын кино шүүмжлэгчдийн анхаарлыг татаж байна.
Gangnam zombie 
Сөүлийн дээд зэрэглэлийн Ганнам хотын иргэдээс ер бусын аймшигтай шинж тэмдгэг илэрч, амьтан болж хувирснаар хэдэн хүн амьд гарахын төлөө тэмцэж буйгаараа бусад зомби давалгааныкиноноос онцлог бүтээл ажээ. Тус кино өнгөрсөн оны арванхоёрдугаар сард Солонгост нээлтээ хийсэн.  
10 гаруй жилийн өмнө зомбитой дуугаараа олны анхаарлыг татаж байсан Т-Ara хамтлагийн дуучин Жи Ён мөрөөдлийн дүрээ бүтээснээ нээлтийн үеэр онцолж байдаа.