"Урбан" иргэдийн форум, "No double standard" хөдөлгөөний төлөөлөл  өнөөдөр мэдээлэл хийлээ. "No double standard" хөдөлгөөнийг төлөөлж Э.Одбаяр "Ерөнхий сайд Л.Оюун-Эрдэнийн гараас гарсан зүйл алга. Түүний хэлж буйгаар бол, Засгийн газрын гол буруутан нь Үндсэн хууль болчихлоо. Хүчин төгөлдөр мөрдөж байгаа Үндсэн хуулиа шинэчлэхийн тулд сүүлийн үед тогтолцооны өөрчлөлт гэх гоё үгийг их ашиглаж байна. 

Зөвлөлдөх санал асуулга явуулах тухай УИХ-ын 80 дугаар тогтоолд зөвхөн нийгэм, эдийн засгийн асуудлын агуулгаар санал асуулга авахаар болсон. Санал асуулга явуулахаас өмнө эрдэм шинжилгээний хурал, нийгэм эдийн засгийн зөвшилцлийн чуулга уулзалтыг зохион байгуулж, энэ үеэр Шинэ Үндсэн хуулийг хэвлэж, тараасан байна. Гэвч Зөвлөлдөх санал асуулгад Шинэ Үндсэн хуулийн агуулгатай асуулт оруулж ирснийгээ Зөвлөлдөх зөвлөлөөс өчигдөр няцаасан. Гэтэл Ерөнхий сайд Л.Оюун-Эрдэнэ шинэ Үндсэн хуулийг хэвлүүлэх зардал болох 1.2 тэрбум төгрөгийг Засгийн газраас гаргаагүй юм бол Ерөнхий сайд хувиасаа гаргасан уу, эсвэл Ерөнхийлөгч асан Н.Энхбаяр гаргав уу.  Эцэст нь, Л.Оюун-Эрдэнэ сайд аа, эхлээд амласан ёсоороо "Бамбарууш" кафегаа нээчихээд дараа нь Үндсэн хууль яриарай” гэв.