Төмөр замаар нүүрсийг хилээр гаргахын тулд хоёр жилийн өмнө 150 сая төгрөгийн авлига, хээл хахууль өгдөг байжээ. Харин өдгөө энэ тоо гурав дахин өсч 450-500 сая төгрөгт болтлоо  өсчээ.

Тиймдээ ч УБТЗ-ын Бодлого зохицуулалтын газрын орлогч дарга асан С.Батдөлийн гэрээс хураасан 7,3 тэрбум төгрөг зөвхөн долоо хоногийн авлигын мөнгө гэнэ.Өдөрт 14 вагон гардаг. Үүний тал нь транзит, үлдсэн гурав нь хоосон ачаатай контейнер, дөрөв нь нүүрс, төмрийн хүдэр ачдаг вагон аж.

Үүнээсээ өдөрт хоёр тэрбум төгрөгийн орлого буюу авлига авдаг. Үүнийгээ хуваарилах гэж яваад С.Батдөл  баларсан гэдгийг УИХ-ын гишүүн Б.Пүрэвдорж хэллээ. Тэрбээр мөн Төмөр замын хулгай бол маш том авлигын эх уурхай. Цаана нь их хэмжээний нууц хөрөнгө байгаа. Үүнийг нэн яаралтай ил болгож, холбогдох этгээдүүдэд нь хариуцлага үүрүүлэх ёстой гэлээ.