ОХУ Украин руу довтолж эхэлснээс хойш дэлхийн улс орнууд Оросын эсрэг төрөл бүрийн хориг арга хэмжээ тавьж эхэлсэн билээ. Тус улсын иргэдийг хилээрээ нэвтрүүлэхгүй гэсэн хориг тавьж, ОХУ-ын тэрбумтнуудын гадаад дахь хөрөнгийг царцаах, хий, гааз нийлүүлэхгүй байх зэргээр арга хэмжээ авч эхэлсэн. Энэ нь өдгөө ч үргэлжилсээр хамгийн сүүлд Японы Засгийн газар ОХУ-ын 22 иргэн, гурван байгууллагын хөрөнгийг царцааж байгаагаа зарласан байна. 

Энэхүү шинэ хоригт ОХУ-ын Хууль зүйн сайд Константин Чуйченко, Засгийн газрын нэгдүгээр орлогч дарга Андрей Белоусов, Сонгуулийн төв комиссын дарга Элла Памфилова нарын албан тушаалтнууд багтсан байна. Мөн хоёрдугаар сарын 3-ны өдрөөс ОХУ-руу вакцин, эмнэлгийн бүтээгдэхүүн, цацраг идэвхт материал, цөмийн объектын тоног төхөөрөмж, газрын тос болон байгалийн хийн хайгуулын тоног төхөөрөмж нийлүүлэхээ зогсоосноо мэдэгдлээ.