Татварын ерөнхий газраас өгсөн мэдээллээр, 2022 оны дөрөвдүгээр улирлын НӨАТ-ын буцаан олголтыг нэгдүгээр сарын 20-ноос хойш иргэдийн данс руу шилжүүлэх аж. 
Өнгөрсөн сарын буцаан олголтоор 18290 иргэн 223,2 сая төгрөгийн авто тээвэр, өөрөө явагч хэрэгслийн, үл хөдлөх эд хөрөнгийн, газрын зэрэг албан татвараа төлсөн байна. 
Буцаан олголтод 2022 оны 10-12 дугаар сард худалдан авалт хийсэн цахим төлбөрийн баримтыг нэгдүгээр сарын 11-ний 12.59 цагаас өмнө Ebarimt системд бүртгүүлсэн баримтын дүн хамаарна. 
Мөн НӨАТ-ын сугалааны тохирол нэгдүгээр сарын 18-ны өдөр Боловсрол суваг телевизээр шууд явах юм байна.