БНЧУ-д 31 настай, жирэмсэн, монгол эмэгтэй сураггүй алга болоод гурав хонож байгаа юм. Тэрбээр гэр бүлийн маргаантай байсан бөгөөд гэрээсээ гараад ийнхүү сураггүй байгаа юм. Энэ талаар  ГХЯ  "Чех улсын Ческа Липа хотноо амьдардаг Монгол Улсын иргэн сураггүй алга болсон хэрэгт ГХЯ-ны Консулын газар болон Монгол Улсаас Чех Улсад суугаа Элчин сайдын яам анхаарч ажиллаж байна. Чех дэх цагдаагийн газар болон холбогдох бүхий л байгууллагатай хамтран ажиллаж, цагдаагийн газраас хэрэг бүртгэлт, мөрдөн шалгах ажиллагааг эхлүүлсэн. Албан ёсоор эрэн хайх ажиллагааг мөн эхлүүлээд байна. Чех дэх ЭСЯ эрлийн ажиллагааны талаар бидэнд байнга мэдээлж байгаа. 
Мөн тухайн эмэгтэйн монгол болон Чех дэх гэр бүлийнхэнтэй нь байнгын холбоотой ажиллаж байна. Хувь хүний нууцтай холбоотой асуудал тул одоогоор тухайн иргэний талаар дэлгэрэнгүй мэдээлэл өгөх боломжгүй байна" гэлээ.