Чех улсын Ческа Липа хотод амьдарч байсан 30 орчим насны монгол эмэгтэй энэ сарын 26-ны өдөр гэрээсээ гараад ор сураггүй алга болсон. Энэ талаар ГХЯ мэдээлэл өгч, эмэгтэйг эрэн хайх ажиллагааг эхлүүлсэн гэж байв.  Мөн Ческа Липа хотын цагдаа нар эрлийн баг гаргаж, тус улсад амьдардаг монголчуудын хамт хүч нэмэн эрэн хайж байсан юм. 
Харамсалтай нь, Ческа Липа хотын цагдаагийн газраас Монгол улсын иргэн “Ц” /25 настай, 38 долоо хоногтой жирэмсэн/ эмэгтэйн цогцсыг сураггүй алга болсноос хойш 50 гаруй цагийн дараа буюу тус улсын цагаар 2023 оны нэгдүгээр сарын 27-ны 15:00 цагт олсон тухай мэдэгдэж, эрэн хайх ажиллагааг зогсоожээ. Эмэгтэй нөхөр, хүүхдийн хамт гурвуулаа тус улсад амьдардаг байжээ.
Цагдаагийн газраас урьдчилсан байдлаар гаднын нөлөөгүй гэсэн дүгнэлт гаргасан байна.