УИХ-аар яаравчлан 72 цагийн дотор батлуулсан Н.Учралын хуульд Монгол Улсын Ерөнхийлөгч хориг тавьж, олон нийт ч талархалтай хүлээж авлаа. Энэ талаар Монгол Улсын Ерөнхийлөгчийн Хэвлэлийн албаны дарга Ө.Золбаяр "Монгол Улсын Ерөнхийлөгч “Олон нийтийн сүлжээнд хүний эрхийг хамгаалах тухай” хуульд бүхэлд нь хориг тавихаар боллоо. Даваа гарагт энэ талаар Ерөнхийлөгчийн Тамгын газраас мэдээлэл хийнэ" хэмээн мэдэгдсэн билээ.

Харин Н.Учрал сайдын зүтгэн байж оруулж, батлуулсан хуульд нь хориг тавьсанд тэрбээр Ерөнхийлөгчид асуулга хүргүүлэхээр болсон байна. Ерөнхийлөгч хуульд бүхлээр хориг тавиад ч УИХ эцэслэн шийднэ. Тиймээс энэхүү хуульд бүхэлд нь хориг тавилаа гээд бүрмөсөн татгалзлаа гэсэн үг биш юм. 
Н.Учрал сайдын улайран байж хийсэн, зүтгэн байж оруулсан хуульд Ерөнхийлөгч хориг тавьсанд тэрбээр ихээхэн гонсойж, гишүүний бүрэн эрхийнхээ хүрээнд анх удаа өргөн барьж батлуулсан хууль нь ийнхүү гацаанд орсонд бухимдалтай байгаа аж.