БНСУ -ын засгийн газар нь энэ жил, тус улсыг зорих гадаад ажилчдын тоог ихэсгэх зорилготой байгаагаа мэдэгдлээ. Энэ жилийг хүртэл Е-9 гэх мэргэжлийн бус ажлын визээр нэг жилдээ 50.000- 60.000 орчим гадаад ажилчид Солонгосыг зорьж ажилладаг байсан бол, энэ жил тус визээр орж ирэх ажилчдын тоог 110.000 болгон өсгөх гэж байгаа юм байна. Мөн Е-9 виз гурван жилийн хугацаатай бөгөөд, дээд тал нь 4 жил 10 сар хүртэл сунгах боломжтой байсан бол энэ хугацааг хамгийн ихдээ 10 жил хүртэл сунгахаар төлөвлөж байгаа юм байна. Ингэснээр Солонгосын мэргэжлийн бус ажлын талбарт тогтвортой ажиллах ажлын хүчин ихсэх сайн талтай гэж үзэж байгаа гэлээ. Е-9 виз нь гадаад ажилчдыг ажиллуулах тухай хуулийн дагуу олгогддог бөгөөд мэргэжлийн үнэмлэх юм уу ажлын туршлага шаардах мэргэжлийн ажил биш, үйлдвэр, барилга, газар тариалан болон фирм зэрэг мэргэжлийн бус ажлын төрөлд ажиллэх гадаад иргэнд олгогддог. Тус визийг авах боломжтой орны тоог 16 -аар хязгаарладаг, манай Монгол улсын хувьд үүнд багтдаг юм.