Төмөр зам ХНН-ийн авлига, хээл хахуулийн томоохон сүлжээг эхнээс илрүүлж, орлогч дарга нь сейфэндээ  7,3 тэрбум төгрөгийг хадгалж байсныг ил болгосон. Уг хэрэгт Зам тээвэр, хөгжлийн дэд сайд Л.Халтарын эхнэр УБТЗ-ийн Тээвэр зохион байгуулалтын албаны төлөвлөлтийн инженер Ц.Ганзул холбоотой гэх мэдээлэл явсан билээ. Л.Халтар “Ц.Ганзул С.Батдөлийн дарга нь байснаараа буруутах ёсгүй. Миний эхнэр Ц.Ганзул төмөр замын сургууль төгссөн инженер хүн. Тээвэр зохион байгуулалтын албаны төлөвлөлт хариуцсан инженер хийдэг. Одоогийн эрхэлж байгаа ажил нь вагон  хуваарилалт, хяналттай огт холбоогүй. Төмөр замд 30 орчим жил ажиллахдаа ямар нэгэн даргын ажилд томилогдож байгаагүйг хариуцлагатайгаар мэдэгдье. Зорилготойгоор тарааж буй худал мэдээлэлд шүүлтүүртэй хандахыг та бүхнээс хүсье” хэмээн өмөөрч суусан.

Тэгвэл Авлигатай тэмцэх газраас дэд сайд Л.Халтар болон түүний эхнэр Ц.Ганзултай холбоотой гомдол мэдээлэл ирүүлсэн. Шалгалтын ажиллагаа явж байгаа гэлээ. 

Зорилготойгоор худал мэдээлэл тарааж байна хэмээж байсан дэд сайд Л.Халтар, түүний эхнэр Ц.Ганзул нарыг иргэдийн гомдлын мөрөөр Авлигатай тэмцэх газраас шалгаад эхэлжээ.