Монгол Улсад өнөөдрийн байдлаар нийт 11 аймгийн 22 сум цагаан зудтай байна. Мал идэх өвсгүй өлдөж, малчид ч оторт зутарч байгаа юм. Төр, засгаас тодорхой арга хэмжээ авч байгаа ч энэ нь жинхэнэ эздэдээ хүрч чадах эсэх нь бүрхэг байна.
Харин улстөрч, сайд асан эрхмүүд, тухайн аймгаас сонгогдсон Төрийн түшээд өөрсдийн хөрөнгөөрөө боломжоороо тэжээл, өвс нийлүүлж эхэлжээ. Энэ нь нэг талаар зудад нэрвэгдсэн малчдад тусалж байгаа ч нөгөө талаар УИХ-ын 2024 оны сонгууль хэдийнэ эхэлчихжээ гэж хардаж болохоор. Эртнээс замаа засаад эхэлсэн гэсэн үг л дээ.

Тодруулбал, ХХААХҮ-ийн сайд асан З.Мэндсайхан уугуул нутгийнхандаа тусламжийн гараа сунгажээ. “Мэндсайхан сан”-гаас Ховд аймгийн 9000 малчин өрхөд 400 тонн тэжээл, 16000 шуудай хивгийг үнэ төлбөргүй хүргүүлэх автоамашины цуваа аймгийн төвөөс сумд руу хөдөлжээ. 
 

Сонгууль угтсан урьтал ажил гэж харагдаж байгаа ч зуданд зутарсан малчин өрх, малд тусаа өгвөл болоо биз ээ.