Нийслэлийн хэмжээнд өнгөрсөн долоо хоногт гал түймрийн 36, аврах ажиллагааны хоёр буюу нийт 38 удаагийн дуудлага бүртгэгджээ. Дуудлагын дагуу Аврах анги, Гал түймэр унтраах, аврах ангиуд үүрэг гүйцэтгэж, гал түймрийн утаажилтын бүсээс 77 иргэнийг гаргаж,  2,2 тэрбум төгрөгийн өмч хөрөнгийг авран хамгаалсан. Нийт дуудлагыг өмнөх оны мөн үетэй харьцуулахад гал түймрийн дуудлага 13.3 хувиар буурч, аврах ажиллагааны дуудлага 1.5 дахин өссөн үзүүлэлттэй байна гэж нийслэлийн Онцгой байдлын газраас мэдээллээ.