Улаанбаатар хотын авто замын түгжрэлийг бууруулах үндэсний хорооны дарга, Монгол Улсын сайд Ж.Сүхбаатар томилогдсоноосоо хойш юу хийв. Юуг өөрчлөв гэх асуултыг түүнд даймаар байна. Иргэд ч ийн асуухыг хүсэж байгаа. Тэгвэл түүний буудал дээр автобус хүлээн зогсоо зураг сүүлийн үед сошиалыг “чимсэн”. 

Сайд маань  хөнгөн тэргээсээ татгалзаж, жирийн иргэдтэйгээ автобусаар зорчдог болоо юу гэх доог тохуу явсан ч үнэн чанартаа түгжрэлийг яаж бууруулъя даа хэмээн тархиа гашилгаж явжээ. Тиймдээ ч газар дээрээс нь гэгчээр замын хөдөлгөөний ачааллын зовлон, жаргалыг түлхүү мэддэгээр нь автоусны жолооч нартай тулахаар шийдсэн байна. Энэ талаар Ж.Сүхбаатар сайд “ Би Канадад нэг хэсэг амьдрахдаа бүтэн жил автобусаар явсан. Тэр гадаадыг больё гэхэд би Улаанбаатар хотод гишүүн болохоосоо өмнө Чингэлтэй дүүрэгт "Bluebus" компанийн автобусаар явж байсан. УИХ-д сонгогдож гарч ирээд хамгийн анх Нийтийн тээврийн газрын даргатай уулзаж, "Ажлаа автобусны буудлаас эхэлнэ" гэж хэлж байсан. Манай ээж нийтийн тээврийн удирдах газар насаараа ажилласан хүн. Би хүүхэд байхдаа автобусны жолооч нарын дунд өссөн. Автобусны жолоочийн амьдралыг мэддэг учраас хамгийн түрүүнд "Нийтийн тээврийн асуудал номер нэг  юм байна" гэсэн. Тэгэхэд маш олон хүн буруу харж байна гэж шүүмжилсэн. Нийтийн тээврийн үйлчилгээний асуудалд хамгийн их санаа зовж байгаа хүн нь би. Тиймдээ ч автобусанд сууж, жолооч нартай уулзаж байгаа"гэв.

Үнэхээр сэтгэлээ чилээн нийтийн тээврийн үйлчилгээнд санаа нь зовнин автобусны жолооч нартай уулзан жаргал, зовлон ярьж яваа нь үнэн бололтой. Сайн мэддэгийн хувьд, дотор нь өссөний хувьд ингэж явсаар сайд маань нийтийн тээврийг нэг цэгцэлчих байх аа.