Чех улсад нөхөр, хүүхдийн хамт амьдарч байсан 25 настай монгол эмэгтэй Ц нь гэрээсээ гараад сураггүй болж, тус улсын цагдаагийн байгууллага, монгол иргэдийн хамт хайх ажиллагааг эхлүүлсэн юм. Харамсалтай нь, хоёр хоногийн дараа эмгэнэлт мэдээ дуулдаж, бүсгүйн цогцосыг хээрээс нохойгоо салхилуулж явсан иргэн олсон тухай мэдээлсэн юм. Бүсгүй төрөхөд хоёрхон долоо хоног дутуу байсан бөгөөд эмчийн хяналтад байжээ.

Энэ талаар Ческа Липа хотын хэвлэлүүд ид мэдээлж, бүсгүйн үхлийн нууц юу байв. Гаднын нөлөө байв уу. Гэр бүлийн хүнтэйгээ маргаантай байсан уу зэрэг олон таамаглал дэвшүүлж, шалтгааныг нь олохоор эрэн сурвалжилж эхэлжээ. 

Цагдаагийн байгууллагаас урьдчилсан байдлаар, эмэгтэйн үхэл гаднын нөлөөгүй. Гэмтэж, бэртсэн, дээрэмдүүлсэн шинж тэмдэг үгүй. Тэгээд ч гар утас, хэтэвч зэрэг биедээ эд зүйл авч яваагүй хэмээн мэдэгдээд байгаа юм. 

Талийгаачийн нөхөр одоогоор шокын байдалтай байгаа ба эхнэрээ салхилах гэж гарсан. Яагаад амиа алдсан талаар ямар ч таамаглал алга. Бид эв найрамдалтай амьдардаг. Эхнэр маань удахгүй төрөх дөхөж, сэтгэл санааны хувьд жаахан тогтворгүй байсан нь үнэн” хэмээн мэдүүлсэн байна. 

Үхлийн шалтгааныг тодруулахын тулд задлан шинжилгээ хийхээр болж, ар гэрийнхнээс нв зөвшөөрөл хүссэн тухай Ческа Липа хотын хэвлэлүүд мэдээлж эхэлжээ.