АНУ-ын хилийн ойролцоох Техас мужийн Эль Пасо хотоос холгүй оршдог Мексикийн шоронд зэвсэгт этгээдүүд халдан, энэ үеэр харгалзагч, хоригдол нийлсэн 19 хүний амь үрэгдэж, халдлагыг далимдуулан 30 орчим хоригдол оргосон юм. Тэдний дунд хар тамхины наймаа босс “Эль Нето” хочтой Эрнесто Альфредо Пинон де ла Круз байжээ.
Мексикийн Чихуахуа мужийн прокурорын газар хоригдлуудыг санаатай оргуулсан байж болзошгүй шоронгийн дарга Алехандро Альварадог ажлаас нь чөлөөлж, мөрдөн шалгах ажиллагааг эхлүүлснээ зарлаад байна. Хамгийн гол нь халдлага үймээний гол зорилго нь хар тамхины сүлжээний боссыг оргуулахад байсан гэдэгт хууль хүчнийхэн санал нэгдсэн байна.  Мөн оргосон хоригдлуудыг эрэн сурвалжилж эхэлжээ.
Уг үйл явдал сүүлийн жилүүдэд Мексикийн шоронгуудад гарсан хамгийн олон хохирогчтой, хамгийн олон хоригдол оргосон үймээнд тооцогдож байгаа гэнэ.