Засгийн газрын хуралдаанаас гаргасан шийдвэрийн талаар салбар яамдын сайд нар мэдээлэл өглөө. Тухайлбал, Эдийн засгийн хөгжлийн сайд Ч.Хүрэлбаатар "Эдийн засаг хөгжлийн яамны харьяа хөрөнгө оруулалт худалдааны газрыг байгуулах шийдвэр гаргаж байна. Энэ агентлаг нь хөрөнгө оруулагчдын хууль ёсны эрх ашгийг хамгаалах, хөрөнгө оруулалтыг татах, сурталчлах, маргаантай асуудлыг шийдвэрлэхэд дэм тус үзүүлэх, худалдааг өргөжүүлэх, эдийн засгийг төрөлжүүлэх зэрэг асуудлыг шийдвэрлэх юм" гэлээ. 
 
Мөн Монгол Улсын эдийн засгийн үзүүлэлтийг танилцууллаа. Үүнд, Монгол Улсын эдийн засаг 2022 онд 4,5 хувиар өссөн бол валютын нөөц гурван тэрбум 560 сая ам.доллар буюу нэг сарын өмнөхөөс сайжирсан байдалтай гарсныг Ч.Хүрэлбаатар сайд мэдээллээ.