Хэргийн талаар тодруулбал, 19 настай, эрэгтэй “А” гэгч нь нэгдүгээр сарын 31-ний өдрийн 23:00 цагийн үед Баянзүрх дүүргийн нутаг дэвсгэрээс такси барьж, Чингэлтэй дүүргийн 5 буудлын орчим хүргүүлсэн байна.

Иргэн “А” нь таксины жолоочтой төлбөрөөс болж маргалдан түүнийг зодож, хүйтэн мэсээр таван удаа гэмтээж биед нь хохирол учруулсан болохыг цагдаагийн байгууллагаас мэдээлэв.

Жолоочийг гэмтээсний дараа гарыг нь хүлж, түүнийг Орхон аймаг руу явж буй тээврийн хэрэгслийн тээшинд хийн авч явсан нь тогтоогджээ. Улмаар Дархан-Уул аймгийн нутаг дэвсгэрээр дайран өнгөрөх үедээ хохирогчийг тээшнээс гарган Бүсийн оношилгооны төвд үлдээн гарахад нь тус аймгийн цагдаагийн алба хаагчид саатуулсан байна. 

Иймд такси үйлчилгээнд явж буй иргэдийг сонор сэрэмжтэй байхыг цагдаагийн байгууллагаас анхаарууллаа.