Сургуулийн амралт дуусч, хүүхдийн хичээл энэ долоон хоногоос эхэлсэн. Улмаар гаарч байсан томуу, томуу төст өвчний дэгдэлт нэмэгдэх хандлагатай болж байгааг ХӨСҮТ-өөс анхаарууллаа. Мөн ханиад томуу их байгаагаас цэцэрлэг, сургуульд явах хүүхдүүдийн ирц буурчээ. Иймд ХӨСҮТ-өөс амны хаалтаа тогтмол зүүж хэвшихийг уриаллаа.

Томуугийн өвчлөлийг давамгайлан үүсгэж буй вирус нь В, А, H1N1. А хүрээний вирусууд аж. 

Эмнэлэгт хэвтэн эмчлүүлж байгаа иргэдийн 30 гаруй хувь нь амьсгалын замын цочмог хүнд халдварын шалтгаантай байгаа бөгөөд долоо хоног тутамд энэ хувь нэмэгдэх хандлагатай болжээ. 

Өнгөрсөн аравдугаар сард эхэлсэн томуугийн дархлаажуулалт Улаанбаатарт 80, орон нутагт 89, улсын хэмжээнд 85 хувьд хүрчээ. Томуугийн дархлаажуулах акциныг тав хүртэлх насны хүүхдүүд, жирэмсэн эмэгтэй, 65-аас дээш насныхан, эрүүл мэндийн байгууллагын ажилтнууд, бусад байгууллагын ажилтнуудад хийж байна.
Томуу, томуу төст өвчний эмнэл зүйн шинж тэмдэг нь халуурах нус гоожих, ханиалгах, амьсгаадах. юм. Нийслэлийн Эрүүл мэндийн газраас өгсөн мэдээллээр өнгөрсөн долоо хоногт амбулаторийн үзлэг нийт 77 мянган хүн хамрагдахад, тэдгээрийн 12,9 хувийг томуу, томуу төст өвчин эзэлж байна гэв. Үүнийг насны бүлгээр нь авч үзэхэд 0-8 насныхан зонхилон өвдөж байгаа аж. Тодруулбал:

- 0-1 насныхан 21 хувь
- 2-4 насныхан 24 хувь
- 5-9 насныхан 13 хувь томуугаад өвджээ.