Хүүхдийн мөнгө олголтыг зорилтот бүлэг рүү чиглүүлж байна гэх байдлаар нийт хүүхдийн 91 хувьд олгох шийдвэр гарсан. Улмаар иргэдийн зүгээс энэ нь Монгол Улсын Үндсэн хуулийг зөрчиж байна гэж үзэж Үндсэн хуулийн цэцэд хандаад байсан. Тэгвэл Үндсэн хуулийн цэц иргэдийн гомдлын дагуу маргааныг хянан шалгах цэцийн гишүүнийг томилоод байна. 

Үндсэн хуулийн цэц хүүхдийн мөнгийг 91 хувьд олгож байгаа нь Үндсэн хууль зөрчиж байна гэж үзвэл Засгийн газар 2023 оны төсөв болон бусад дагалдах хуулиудад өөрчлөлт оруулж, бүх хүүхдэд сар бүр 100 мянган төгрөг олгох зохицуулалтыг хийнэ. 

Уг асуудлаар Сангийн сайд Б.Жавхлан мэдээлэхдээ, “Хүүхдийн мөнгийг халамж гэж тодорхойлсон. Халамж аль болох зорилтот бүлэг рүү чиглэх учиртай. Цэц улстөржсөн шийдвэр гаргахгүй л бол Засгийн газар Үндсэн хуулийг зөрчөөгүй” гэв.