Монгол Улсын Засгийн газар Шинэ сэргэлтийн бодлогын хүрээнд Боомтын сэргэлтийг чухалчилж төмөр замын бүтээн байгуулалтын ажлуудыг эрчимжүүлж байна. Улмаар хил холболтын төмөр замыг эхэлж барихаар болжээ. Бүтээн байгуулалтын ажлын хүрээнд Зам, тээврийн хөгжлийн яам, Гадаад харилцааны яам Хятадын талтай тохиролцон “Монголын төмөр зам” ТӨХК ирэх долдугаар сард эхний тээврийг явуулах төлөвлөгөөтэй ажиллаж байна. 

Түүнчлэн нүүрсний экспортийг нэмэгдүүлэх замаар гадаад валютын нөөцийг нэмэгдүүлэх зорилт тавин ажиллаж байгаа аж. Зорилтын явцад өнгөрсөн оны гуравдугаар сард зүгшрүүлэх тээвэрлэлтийг эхлүүлж, 729.5 мянган тонн ачаа тээвэрлэсэн байна. Мөн 99.2 мянган тонн сайжруулсан шахмал түлшний эд мидлинг тээвэр, 133.6 мянган тонн экспортын нүүрс, Зүүнбаян-Ханги чиглэлийн төмөр замын бүтээн байгуулалтын ачаа 435.9 мянган тонн, 60.8 мянган тонн орон нутгийн тээвэр, хоосон чингэлгийг зөөжээ.