Нийслэлийн орон сууцны төсөл хөтөлбөрийг хэрэгжүүлэхэд орон сууцны түрээсийн төлбөрийг НӨАТ-ийн албан татвараас чөлөөлөх саналыг Нийслэлийн орон сууцны корпорациас гаргалаа. Ингэснээр иргэд хямд өртөгтэй орон сууцанд хамрагдах боломжтой юм. 

НИТХ-ын Засаглал, эрх зүйн шинэтгэлийн хорооны хурлын үеэр НӨАТ-ын тухай хуулийн 13.1 дэх заалтаар НӨАТ-аас чөлөөлөх боломжтой гэдгийг онцлов. Цаашлаад санхүүгийн түрээсийн үйл ажиллагаа нэмж эрхлэхэд тусгай зөвшөөрөл шаардлагагүй. Энэ нь иргэдийг хямд өртөгтэй орон сууцаар хангахаас гадна байгууллагын ашиг, хөрөнгө оруулалтын өгөөж нэмэгдэх эерэг талтай гэдгийг холбогдох албаны мэргэжилтэн танилцуулав.