Ногооннуур суманд шүлхий өвчин гарсантай холбогдуулан тус суманд өчигдрөөс эхлэн хорио цээрийн дэглэм тогтоолоо. Баян-Өлгий аймгийн Мал эмнэлгийн газрын мэдээлж буйгаар одоогийн байдлаар өвчин гарсан сумын гурван багийн нутаг дэвсгэрийн дөрвөн голомтод 31 толгой мал шүлхийгээр өвчилжээ. Улмаар өвчний голомтын бүсээр тодорхойлогдсон Цагааннуур, Батжаргалын гарам, Гурван гатлага болон сумын төвөөс 10 километр радиусаас гадагш гарах хүн, мал амьтан, тээврийн хэрэгслийн шилжилт хөдөлгөөнийг хориглосон байна.