Цагдаагийн байгууллагад өчигдөр 08 цаг 49 минутад Баянзүрх дүүргийн хоёрдугаар хорооны нэгдүгээр гудамжны нийтийн байранд гал гарч байна гэх дуудлага, мэдээлэл бүртгэгджээ. 
Дуудлагын дагуу Баянзүрх дүүргийн цагдаагийн газрын хоёрдугаар хэлтсээс шалгахад нийтийн байрны галлагааны өрөөнд гал гарсан байна. Улмаар 50 настай, эмэгтэй О угаартан нас барж, 19 настай, эрэгтэй М угаартсан байсныг эмнэлэгийн байранд хүргэжээ. Одоогийн байдлаар гал гарсан шалтгааныг тогтоохоор цагдаагийн хэлтсээс мөрдөн шалгах ажиллагаа явагдаж байна.