Дэлхийн чансаа олгох тэмцээний эхний өдөр Монголын шигшээ багийн тамирчин Т.Тулга -65 кг алт, Н.Наранхүү -61 кг жинд мөнгөн медаль хүртлээ. Эрэгтэйчүүдийн -65 кг жинд Т.Тулга Аргентин, АНУ, Унгарын бөхчүүдийг ялж, финалд АНУ-ын МакКеннагтай тулж 4-1 харьцаагаар ялалт байгуулжээ. Харин -61 кг жинд Н.Наранхүү Франц, Туркийн бөхчүүдийн ялж финалын шатанд Ираны бөхөд 11-3 оноогоор ялагджээ.

Тус тэмцээнд чадвараа сорихоор Монголын нийт 10 тамирчин явсан. Тэдгээрийн гурван тамирчин нь өнгөрсөн шөнө зодоглосон. 
Тэмцээний ялагч чансааны 8000 оноо, 1500 швейцар франк, харин мөнгөн медаль хүртсэн тамирчин чансааны 6400 оноо, 750 франктай болжээ.