БНХАУ агаарын хилээ нээгээд хагас жил болж байна. Манай улсын хувьд МИАТ болон "Air China" долоо хоногт 4-5 удаагийн нислэг үйлдэж буй юм. Визийн нөхцөл болон Хятадын талаас тавьж буй шаардлагын талаар ГХЯ-ны Консулын газрын захирал Б.Болд мэдээлэл өглөө. Тэрбээр "Хятадын талаас өгсөн албан ёсны мэдээллээр, ажил үйлдвэрлэл, бизнес эрхлэх, суралцах, гэр бүл, төрөл садандаа зочлох зорилгоор гадаадын иргэд БНХАУ-д 30 хоног визгүй нэвтрэх эрхтэй.  Ийм тохиолдолд буцах тасалбараа заавал авсан байх шаардлагатай. Мөн тус улс дотоодын коронавирусийн халдварын нөхцөл байдлаас шалтгаалж аялал, жуулчлал, эмчилгээний зорилгоор зорчих гадаадын иргэдийг нэвтрүүлэх боломжгүйгээ зарласан. Тодруулбал, гадаадын иргэд гэдэгт монгол ч багтаж байгаа гэв. 
БНХАУ-д аялж зугаалах болон эмчлүүлэх зорилгоор зорих монгол иргэдийг тодорхой хугацаанд хүлээн авахгүй гэдгээ ийнхүү мэдэгджээ.