Баян-Өлгий аймгийн Өлгий сумын иргэн 19 настай М-нь нэгдүгээр сарын 18-ны өдрийн 21:40 цагийн орчимд гэрээсээ гараад өнөөдрийг хүртэл сураггүй байгаа аж.
Цагдаагийн байгууллага эрэн сурвалжилж эхэлсэн ч үр дүнд хүрээгүй тул эрэн хайх хүсэлтийг хоёрдугаар сарын 1-ний өдөр аймгийн Онцгой байдлын газарт ирүүлсэн байна. Тус аймгийн Онцгой байдлын газар, Цагдаагийн байгууллага, Зэвсэгт хүчний 331, 340 дүгээр анги, Хилийн 0165, 0285 дугаар анги, тус аймаг дахь Шүүхийн шийдвэр гүйцэтгэх байгууллагын алба хаагчид, ар гэрийхэн хамтран эрлийг өргөн хүрээтэйгээр явуулж байгаа ч өнөөдрийг хүртэл олдоогүй байна.
Өнөөдрийн байдлаар нийт 148 км-т явганаар болон автомашинаар эрэн хайх ажиллагааг зохион байгуулжээ.