“Эрдэнэс Силвер Ресурс” ХХК-ийн гүйцэтгэх захирал асан Т.Мөнхбаяр нарын зургаан хүнд холбогдох эрүүгийн хэргийн шүүхийн урьдчилсан хэлэлцүүлгийг өнөөдөр 6 цагт товлоод байсан бол Т.Мөнхбаярын эрүүл мэндийн шалтгааны улмаас хойшлуулжээ. Түүнийг “Салхитын мөнгөний ордод баяжуулах үйлдвэрийн үйл ажиллагаа явуулж баяжмал гаргах ажил-“ын тендер сонгон шалгаруулалтад шалгарсан нэр бүхий компанитай гэрээ байгуулсны хариуд 1 тэрбум 217 сая төгрөг, мөн тендерийн сонгон шалгаруулалт зохион байгуулахгүйгээр нэр бүхий ХХК-тай ажил гүйцэтгэх гэрээ байгуулан албаны чиг үүргээ хэрэгжүүлсний хариуд 1 тэрбум 455 сая төгрөгийн хахууль авсан байж болзошгүй гэх хэрэгт яллагдагчаар татаад байсан юм. Ингээд Нийслэлийн Прокурорын газраас Эрүүгийн хуулийн тусгай ангийн

-22.4 дүгээр зүйлийн 2 буюу нийтийн албан тушаалтан хахууль авах
-22.5 дугаар зүйлийн 1 буюу хахууль өгөх
-18.6 дугаар зүйлийн 1 дэх хэсэгт мөнгө угаах гэж тус тус заасан гэмт хэрэгт холбогдуулан яллах дүгнэлт үйлдээд байгаа юм.