Өнөөдөр буюу хоёрдугаар сарын 03-ны өдрийн 15:08 цагийн үед Төв аймгийн Борнуур суманд 4.1 магнитудын хүчтэй газар хөдөлж, энэ нь мөн Нийслэлд мэдрэгдлээ. Энэ талаар хаана, ямар байршилд, хэр хугацаагаар газар хөдлөлт мэдрэгдсэнийг мөн иргэд олон нийтийн сүлжээгээр бичиж байна. Одоогоор Нийслэлд хичнээн магнитудын чичирхийлэл мэдрэгдсэнийг тогтоохоор ажиллаж байна гэж Одон орон геофизикийн хүрээлэнгээс мэдээлээд байна. Төв аймгийн Борнуур сум нь төвөөсөө баруун хойд зүгт 6 км ийн зайд байдаг бөгөөд газар хөдлөлтийн улмаас ямар нэг хохирол эрсдэл учраагүй талаар аймгийн төвөөс мэдээллээ.  Мөн Нийслэлийн хэмжээнд өнгөрсөн жилийн байдлаар нийт 1000 гаруй газар хөдлөлт болсон бөгөөд энэ нь 1-4 магнитуд дотор болсон байна. Үүнээс Хөвсгөл, Сэлэнгэ, Говьсүмбэр, Төв аймагт болсон томоохон таван газар хөдлөлтийн чичирхийлэл Нийслэлд 3-5 баллаар мэдрэгдэж байжээ.