Цагдаагийн байгууллагаас 2023 оны хоёрдугаар сарын 03-ны өдрийн 22:00 цагаас мөн сарын 04-ний 02:00 цаг хүртэлх хугацаанд “Сар шинэ 2023” нэгдсэн арга хэмжээний хүрээнд "Уусан бол бүү жолоод" шөнийн хяналт шалгалтыг зохион байгууллаа.
Тус арга хэмжээнд Цагдаагийн ерөнхий газрын харьяа алба, нэгж, нутаг дэвсгэр хариуцсан цагдаагийн байгууллагын алба хаагчид хяналт шалгалтыг явууллаа. Хяналт шалгалтын хугацаанд архи согтууруулах ундааны зүйл хэрэглэсэн үедээ тээврийн хэрэгсэл жолоодсон зөрчил нийслэлд 108, орон нутагт 33 нийт 141 жолоочийг илрүүлж учирч болох эрсдэлээс урьдчилан сэргийлж ажиллаа.
Мөн тээврийн хэрэгсэл жолоодох эрхгүй хөдөлгөөнд оролцож явсан зөрчил нийт 29 зөрчил, цагдаагийн байгууллагын эрэн сурвалжлах /АСАП/ санд бүртгэлтэй эрэн сурвалжлагдаж байгаа иргэн, зарим эд зүйлсийг илрүүлэн ажиллаа.