Эрх баригч  намынхан Үндсэн хуульд гар хүрч, нэмэлт өөрчлөлт оруулахаар яаравчилж эхэлээ. МАН-ын Бүлгийн хуралдаанаар бүлгийн дарга Д.Тогтохсүрэн олон түмэн дэмжвэл Үндсэн хуулийг өөрчилнө гэдгээ мэдэгдсэн. Үүний тулд санал асуулгыг улс даяар явуулахаар болсон ба иргэдийн дэмжлэгийг авна гэдэгтээ МАН итгэл төгс байгаа гэж хэлж болно. 
МАН-ын Бага хурал арванхоёрдугаар сарын 28-нд болж, Ерөнхий сайд Л.Оюун-Эрдэнэ Үндсэн хуулийн нэмэлт өөрчлөлтийг  гишүүд дэмжихийг, тойрогтоо ажиллах үеэрээ иргэдэд сайтар ухуулан таниулж дэмжлэг авахыг уриалсан.
Эрх баригч намын энэхүү шийдвэрийг АН ч эргэлзэлгүйгээр дагаж, ХҮН ч ҮХНӨ-ийг явуулж, сонгуулийн тогтолцоо, гишүүдийн тоог нэмэхийг эртнээс дэмжиж, Т.Доржханд гишүүн байсхийгээд л энэ талаар ярих болсон. Энэ нь жижиг намуудад ихээхэн ашигтай учраас тус намынхан хоёр гараа өргөөд дэмжихээс аргагүй юм.