УБТЗ-ын Тээвэр зохион байгуулалтын албаны орлогч дарга С.Батдөлийн гэрээс ам,доллар, евро, юань, монгол төгрөг нийлсэн 7,3 тэрбум төгрөг гарч, ЭЦГ эд мөрийн баримтыг нийтэд дэлгэсэн билээ. Энэ дагуу С.Батдөлийг нэг сар цагдан хорих шийдвэрийг шүүхээс гаргаж, харин тэрбээр хөнгөн хэрэгт саатууллаа хэмээн шүүх хурал дээр мэдэгдэж байсан юм.
Тэгвэл С.Батдөлийг цагдан хорьсон нэг сарын хугацаа ирэх долоо хоногт буюу хоёрдугаар сарын 9-нд дуусгавар болно. Прокуророос үргэлжлүүлэн цагдан хорих шаардлагатай гэж үзвэл саналаа шүүхэд хүргүүлэх учиртай юм. 
Харин С.Батдөлийн өмгөөлөгч барьцаатайгаар батлан даалтад гаргах хүсэлтийг одооноос шүүхэд тавьж эхэлсэн. Ямартай ч, суллуулахаар хөөцөлдөж байгаа. Хэдэн зуун саяар өмгөөлөгч хөлсөлсөн юм. Суллуулах нь тодорхой хэмээн эх сурвалж хэлж байна.