Монгол Улсын Хөгжлийн банкны санхүүгийн тайланд хийсэн аудитын  дүнг сонсголоор танилцууллаа. Үүнд, ажлаас нь чөлөөлсөн 14 ажилтанд нийт 290 сая төгрөгийн тэтгэмж олгожээ. Үүнийг аудитын байгууллага зөрчилтэй гэж үзсэн байна. 

Тухайлбал, Хөгжлийн банкын захирлаар ажиллаж байсан Н.Мөнхсүхэд ТУЗ-ийн тогтоолоор 61 сая төгрөгийг олгожээ. Энэ талаар Н.Мөнхсүх "Тухайн үед би хөдөлмөрийн гэрээгээр ажиллаж байсан. ТУЗ-өөс шийдвэр гаргаж, надад дээрх мөнгийг олгосон" гэлээ. 

Тухайн үед Хөгжлийн банкинд 144 хүний орон тоотой байсныг бүтцийн өөрчлөлтөөр 140 болгон цөөрүүлсэн байна. Бүтцийн өөрчлөлтөөр ажлаасаа халагдсан хлүмүүст Хөдөлмөрийн хуулийн дагуу мөнгөн тэтгэмж олгосон талаар сонсголын үеэр ярилаа.