Казахстан улс “Гадаадын иргэний оршин суух журам”-даа өөрчлөлт оруулсан ба уг журмыг 2023 оны нэгдүгээр сарын 27-ны өдрөөс хүчин төгөлдөр мөрдөж эхлээд байна. Тухайлбал, тус улсад визгүй зорчдог гадаад иргэдийн Казахстаны нутаг дэвсгэрт байх хугацаа нь 90 хоногоос хэтрэхгүй байх шинэ зохицуулалтыг тусгажээ.
Харин Монгол Улсын иргэд тус улсад визгүй зорчих зохицуулалт хэвээрээ. Гэвч дээрх зохицуулалттай холбогдуулан Казахстаны хилээр нэвтрэх, байрлах, буцаж гарах хугацаагаа зөв тооцоолон зорчихыг ГХЯ-ны Консулын газраас анхаарууллаа.