Турк улсад 7,8 баллын хүчтэй газар хөдлөлт болж, өнөөдрийн байдлаар ихээхэн хэмжээний хохирол учруулаад байна. Газар хөдлөлтийн умаас 4300 хүн амиа алдаж, 18 мянган хүн бэртэж, гэмтсэн гэсэн мэдээлэлтэй байна. Энэхүү гамшигт олон улс эмгэнэл илэрхийлж, тусламжийн гараа сунгаж буй юм. Монгол Улсын Ерөнхийлөгч У.Хүрэлсүх ч Туркийн Ерөнхийлөгчид хандан эмгэнэл илэрхийллээ. Үүнд,

“Эрхэмсэг ноён Ерөнхийлөгч өө,

Бүгд Найрамдах Турк Улсын зүүн өмнөд хэсгийн мужуудад болсон хүчтэй газар хөдлөлтийн улмаас олон хүний эрдэнэт амь эрсдэж, гэмтсэнд Монгол Улсын ард түмний нэрийн өмнөөс гүн эмгэнэл илэрхийлье.

Энэ хүнд цаг мөчид бид Туркийн ард түмэнтэй зүрх сэтгэлээрээ хамт байж, уй гашуу, гарз хохирлыг Бүгд Найрамдах Турк Улс бүх нийтийн хүчин чармайлтаар богино хугацаанд даван туулна гэдэгт итгэж байгаагаа илэрхийлье” гэжээ.