Турк, Сири улсуудад болсон хүчтэй газар хөдлөлтийн дараа олон улсаас тусламжийн баг, хандив, онцгой байдлын аврах багууд тус улсуудыг зорьж байгаа. Энэхүү ноцтой хохирлыг даван туулахад тусалж, дэлхийн өнцөг булан бүрээс аянууд нэгдэж, энэ даваа гаригаас эхлэн аврагчдаа илгээж эхэлсэн. Тэгвэл манай урд хөрш Хятадын засгийн газар Туркэд 40 сая юань буюу 5.9 сая долларын хэмжээтэй шуурхай хүмүүнлэгийн тусламж үзүүлэхээр болсон байна. Энэ нь эхний ээлжийн яаралтай тусламж бөгөөд энэ хүрээнд аврагч, эмч нараа мөн гамшигт өртсөн бүсүүд рүү илгээхээр болжээ. Үүнээс гадна Хятадын Улаан загалмайн нийгэмлэг Сири, Туркэд зориулан тус бүр 200.000 ам.долларын тусламж үзүүлэхээр болжээ. Хятадын эрх баригчид дээрх тусламжуудаар хязгаарлагдахгүй, цаашид ч үргэлжилнэ гэдгээ мэдэгдсэн байна.