Улсын Хоёрдугаар Төв эмнэлэг нь 2021 оны нэгдүгээр улирлаас эхлэн гүйцэтгэлийн санхүүжилтийн бодлогыг хэрэгжүүлж эхэлсэн. Улмаар өнгөрсөн онд тус санхүүжилтийн үр дүнд бий болсон мөнгөн хуримтлалаар иргэдэд үзүүлэх эрүүл мэндийн тусламж, үйлчилгээг чанартай, хүртээмжтэй үзүүлэх зорилгоор олон төрлийн оношилгоо, эмчилгээний технологиудыг шинээр нэвтрүүлсэн.

Тэгвэл энэ оны эхний нэг сарын байдлаар тус эмнэлэг нийт ажилчдынхаа үндсэн цалинг 30 хувиар нэмжээ. 

Улсын Хоёрдугаар Төв эмнэлэг нь өнгөрсөн онд нийт ажилчдынхаа үндсэн цалинг 10 хувиар нэмэгдүүлж, гүйцэтгэлийн санхүүжилтээс бий болсон мөнгөн хуримтлалыг ажилтнууддаа 13 дахь сарын цалин болгон олгосон байдаг. Ийнхүү цаашид хийсэн ажлын гүйцэтгэлээр цалин олгох зорилгоор “KPI” үнэлгээг хэрэгжүүлэхээр төлөвлөж байгаа байна.